Arnasetik lehiaketaren hirugarren edizioak euskararen arnasguneetako gazteen sormena piztu nahi du, adinaren arabera bereizitako hiru kategoriatan parte hartzera gonbidatuz, bakoitza erronka bakarrarekin. Lehen Hezkuntzako 5. eta 6. mailako ikasleek bideo bat grabatu beharko dute beren herriko txoko berezi bat erakusteko eta haientzat garrantzitsua zergatik den azaltzeko. Bestalde, DBHko 1. eta 2. mailako ikasleek herriko egunik garrantzitsuenerako nola prestatzen diren kontatu beharko dute, tokiko jaien garrantzia azalduz. Azkenik, DBHko 3. eta 4. mailakoek kazetari papera hartuko dute, eta kalean dagoen jendeari elkarrizketa egingo diote, beren lekuan jartzeko herriko zein pertsona aukeratuko luketen eta zergatik.

Parte hartzaileek urriaren 31ra arte dute beren bideoak webgunearen bidez bidaltzeko, eta kategoria bakoitzeko irabazleek 500 euro jasoko dituzte, besteak beste, IrrisarriLand, Gure Zirkua, Durangoko Azoka edo EITBko Goazen! eta Irabazi Arte! telesailen sarreretan gastatzeko.