IV. BIDEO SORMEN LEHIAKETA ARNASGUNEETAKO IKASLEENTZAT
Aktore lanak edo bideo grabazioa eta edizioa gustuko badituzu, hauxe da zure aukera. Erakutsi zure gaitasunak. Parte hartu ARNASETIK lehiaketan.
SARIAK
2.000 euro egongo dira 4 kategorietan banatuta. Kategoria bakoitzak 500 euroko sari baliokidea izango du.
- LH 5-6 kategoriako lanik onena (500 euroko sari baliokidea).
- DBH 1-2 kategoriako lanik onena (500 euroko sari baliokidea).
- DBH 3-4 kategoriako lanik onena (500 euroko sari baliokidea).
- Publikoaren saria (500 euroko sari baliokidea).
500 euroko sari baliokide bakoitza IrisarriLand-en, Durangoko Azokan edo EITB-ko Goazen! eta Irabazi arte! telesailen merchandising-ean trukatu ahal izango da, edo, ikas bidaiarako baliatu
Oinarriak
Arnasetik bideosormen lehiaketa da, euskararen arnasguneak osatzen dituzten udalerrietako gazteei zuzendua (LH-5etik DBH- 4ra). Eusko Jaurlaritzak, Nafarroako Gobernuak eta UEMAk sustatutako ekimena da, eta udalerri euskaldunetako gazteen hizkuntza ohituren inguruan gogoeta piztu nahi du. Gaur egungo gazteen komunikazio-hizkuntzara eta teknologia berrietara egokitutako lehiaketa da, eta teknika, tratamendu, genero, sorkuntza prozesu eta gai desberdinak landuko dira. Hala, euskaraz ekoiztutako ikus-entzunezko piezen eta sormen lanen erakusleiho bihurtuko da Arnasetik.
Gazteen etorkizunerako begirada sortzaileak pizteko asmoarekin, lehiaketan modu ezberdinetan parte-hartzeko aukera egongo da eta kategoria ezberdinetako sariak egongo dira. Horrek esan nahi du banaka, talde lanean edo-eta eskolartekoan jorratu daitezkeela lanak.
Kategoriak
ARNASETIK LH 5-6:Atzo eta gaur
Euskara oso aberatsa da, hainbat euskalki daude eta askotariko esamoldeak. Hau da, Euskal Herriko leku batetik bestera, gauzak izendatzeko modu desberdinak daude. Horrek egiten du euskara aberats. Baina denborarekin eta belaunaldien artean, esamolde batzuk galdu egiten dira. Zuen gurasoek eta aitona-amonek herrian esaten zituzten esamoldeak bilatu eta gaur egungo baliokideak aurkitu edo asmatu. Esamoldeak erabili antzeztutako eguneroko eszena batean.
ARNASETIK DBH 1-2: Castigna
Arnasgune batean sartzeko casting batera aurkeztuko zarete. Ia dena euskaraz egin daitekeen herri batean bizitzeko arrazoi nagusiak azaldu. Zergatik aukeratu behar zaituztegu?
ARNASETIK DBH 3-4: Herrimina
Zuen herria utzi behar duzue (ikasketak kanpoan egingo dituzuelako, herriz aldatuko zaretelako…). Azaldu formatu librean (bertso, abesti…): zer da gehien faltan botako duzuena? Eta zer egingo duzue euskaraz bizitzen jarraitzeko?
Parte hartu
Izen ematea ez da ireki oraindik, irekiera data: 2025-09-15 00:00:00